汕大划艇队划足8天抵港 李嘉诚亲自迎接

李嘉诚表示自学生从汕头出发后，自己一直用衞星追蹤学生，看到他们从手机分享的故事，觉得十分感动。今日时报记者何嘉骏摄

今日时报网2月19日讯（记者龚学鸣）如果划艇要划640公里，到底要划几多日呢? 20名汕头大学学生由2月11号喺广东汕头市出发，划足8日，终于係今日抵达香港，汕大校董会名誉主席李嘉诚亲自迎接係黄埔海滨迎接佢哋呢！诚哥致辞嗰阵就话，自己11岁由潮汕嚟香港，路途曲折，要避开日军，走咗一千公里先嚟到岸边，嗰阵根本无见过大海，未经历过风浪。今日时代已经改变咗，年轻人要变革创新，而支持教育改革喺诚哥一直无变嘅信念，希望为国家培养有执行力嘅栋樑。

另外，诚哥又知道其中一位队员王毓慧喺其他队员唔舒服嗰阵，一个人划足8个钟，毓慧就话当时係第二日，浪好大，两个队友身体严重不适，所以佢坚持划足8小时，又好谦虚咁话，呢8小时唔係一个人嘅坚持，而係整个团队嘅坚持，正正因为呢种坚定信念，可以令团队由汕头抵达香港。呢种坚定信念可以支撑佢哋走向更阔嘅海洋。

划足8日，到底係点样如厕呢? 男队员徐宇轩就话，其实艇上面有移动马桶，一边睇星，一边「解决」，「其实都几舒服嘅」。