经民联希望市民支持领养宠物

今日时报网2月19日讯（记者龚学鸣报道）经民联今日喺林村许愿广场举办「动物许愿节2017」，主席卢伟国(Dr. Lo)致辞话，今次主办係希望宣扬爱护动物、支持领养嘅讯息，而经民联非常重视生物多样化，认为发展同保育可以平衡。咁到底Dr. Lo有无养宠物呢? 当然有啦，不过唔係狗仔，係锦鲤，由当年鱼毛养到而家半米长，佢就觉得好开心，希望大家可以尽兴，又希望互相交流养宠物嘅心得。

至于梁美芬(Priscilla)就话，自己都係宠物爱好者，细个见到有流浪狗，都唔忍心见到狗狗係街流浪，于是带返屋企养。起初爸爸好反对，但过咗一、两星期之后，就终于成为家庭爱锡一分子。至于6年前，Priscilla两个仔当时仲细，两个仔仔就话童年只有一个，希望可以喺屋企养，佢最后都係满足仔仔愿望。Priscilla仲话，只狗仔叫Curtis，见到朋友会好热情，又会为屋企带嚟欢乐，认为狗仔可以治疗唔开心嘅朋友添。