靓仔巴裔警员：帮到人就开心

图：范业成同粉丝「吹水」，好谦虚咁讲自己係普通人／警队网页图

20岁巴基斯坦裔警察范业成，年多前透过「宝石计划」加入警队，十天前经历咗难忘嘅一日，成功用「响音」（乡音）乌尔都语游说一名同乡，从处于高空吊臂嘅危险位置返回安全地方。事后佢话，「只要可以帮到人，就几开心」。佢咁叻，又咁靓仔，郑晴都几喜欢佢嘅。前日香港警察再发Facebook，搵到佢同粉丝「吹水」。

范业成用乌尔都语同埋广东话介绍自己，又多谢大家支持。佢仲谦虚话自己同其他人一样，都係普通人，又讲「救人係我嘅职责，我都只係尽我本分。」

除咗范业成，香港警察又搵到啱啱攞到桌球世界冠军嘅吴安仪同大家「吹水」，「四眼CUE后」趁呢个机会呼吁网民小心「裸聊骗案」，并告诫大家「同网友倾，唔使裸露身体嘅，所以要提防网上罪行，做个精明网民。」