港青赴日工作假期升两倍

图：港青赴日本工作假期申请急升/资料图片

年轻人嚮往去外国working holiday，郑晴facebook经常畀去咗澳洲工作假期嘅朋友洗版，不过立法会文件显示，原来港青对澳洲热爱慢慢减退，由2014年一年成万人去，跌到旧年全年得5269人；反而日本放宽咗名额后，就急升近两倍，有600几人去。至于最「崇港」嘅年轻人就係韩国，旧年有758人嚟香港工作假期。

话说自2001年起，香港特区政府先后同11个经济体系政府订立双边工作假期计划协议，呢啲国家就包括新西兰、澳洲、爱尔兰、德国、日本、加拿大、韩国、法国、英国、奥地利及匈牙利。

睇返立法会文件，根据工作假期计划伙伴经济体系政府所提供的资料，截至旧年年底，已经有成7.8万名香港青年获批工作假期签证。最受欢迎嘅仍然係澳洲，有成5000人去，其次就係英国，每年都keep住有1000人左右，急升到第三位嘅就係日本。

调返转，嚟香港工作假期嘅人裏面，最多係韩国人，旧年有758名青年，其次就係法国，有500名，至于英国就有330人。郑晴提提你，仲未满30岁嘅年轻人想去working holiday就快快报名啦！