港东港西：长毛领回乡証考察　莫再搞搞震

今日时报网4月6日讯 立法会发展事务委员会组成嘅考察团下星期就会上惠洲、河源一带考察东江水工程。曾经多次因为收埋示威物品，被拒入境内地的社民连梁国雄（长毛）亦係今次考察团成员，佢寻日朝早去中旅社申领一次性的通行证，预计今个月11日就会知道係咪获得批准。听讲长毛本来係打算申领10年期回乡証，不过今次因为无带特区护照，加上时间紧迫，先改为申请一次性通行证。

长毛话今次返内地以公务为目的，怪责立法会秘书处唔帮佢申领证件，话佢地係倒退，又话咁係不礼貌表现。长毛话，佢以前曾经带请愿信同特别服饰而被拒入境，认为入境唔应该有服饰限制。喂阿哥，唔该你唔好搞事啦，既然你都知係公务，你就唔好带晒示威道具入境啦，而家明明係你自己申请回乡証又唔带护照，仲要赖秘书处唔帮你？真係以为做议员大晒咩。唔该长毛今次真係唔好再搞搞震，珍惜考察东江水嘅难得机会啦。