何君尧揭反对派笑裏藏刀

上星期五、六係立法会发展事务委员会返内地东江考察团嘅日子，考察团前晚结束，不过反对派又有嘢唔满意，不过今次唔係对个团嘅安排，而係对团友何君尧（Junius）不满喎。

前晚Junius喺网上直播同大家分享返事件嘅原由。事缘Junius一早已经申请咗只係随团跟第一日嘅行程，第二日离队做私人工作然后归队，不过到送代表团走，反对派嘅议员突然闹爆佢离团。Junius话明明送大家走时仲係「嘻嘻哈哈」，但反对派拧转面就插人，形容呢种行为好唔成熟。

Junius唔明反对派点解要声言谴责佢，呼吁佢地搞清楚：「我哋係嚟考察，唔係嚟插我背吖係咪先？」。Junius话，大家其实都係办事，应做好工作，唔需要喺呢啲地方做人文章。