放盘叫价620万 梁游「迷离私窦」揭秘

图：「迷离私窦」是湾仔金乐大厦一个连天台嘅高层单位

梁颂恆和游蕙祯因涉嫌去年11月非法集结和强行进入立法会，警方早前往湾仔金乐大厦一个连天台嘅高层单位，打算「一室两捕」，点知就爆出游蕙祯喺屋内应门，但梁颂恆就唔见人，「迷离失蹤」半小时之后，警察发现梁颂恆赤脚行上天台，佢对鞋仲漏咗喺走廊。呢间梁、游「迷离」私窦即刻喺网上「爆红」。郑晴最近发现，有地产代理网上放售呢个私窦，叫价620万，话单位实用面积360平方呎，平均呎价一万七千几，贴近同区市价。唔知係咪业主趁炒热有价，觉得係时候放手？

「品味装修」睇过先知

其实个盘早喺旧年梁、游尚未「同居」之前，曾经在地产网上同步放售兼放租，依家梁、游「蜜居」过，单位内部装潢是否如代理硬销「品味装修」？不如郑晴同大家八下啦。

先讲梁颂恆赤脚「迷蹤」半小时嘅天台，有木製屏风半围封，不过天台其中一边可以远眺庄士敦道高楼，摆咗一张露天长方形枱连四张椅，桌椅旁仲有张半卧椅。「私窦」嘅睡房同客厅用衣柜间开，标準双人床尾有张黑色迷你型梳化，床边有一排大窗，明亮开放，可清楚望到对面大厦。

沖凉随时「春光乍泄」

再睇下洗手间装潢，企缸式设计採用玻璃幕门，沖凉位嘅偌大窗口，只用白色窗廉遮掩，游蕙祯拉埋帘沖凉会唔会「春光乍泄」，只有对面大厦嘅商户先知。小型客厅除电视机外，仲有投影装置，可以理解梁、游都几重视「感官」享受。据消息话，梁、游「私窦」租约今年十月一年嘅死约届满，业主係连埋租约放售，如果知道租客係梁、游，唔知买家会唔会耍手拧头呢？

郑晴