雪糕店执笠 店东母子暖笠笠

图：街坊唔捨得之余，不忘「打卡」/今日时报记者林良坚摄

以「母子档」经营嘅西九龙中心雪糕档「Ice Cha Cha」因不获商场续租，寻日母亲节正式结业。天下无不散之筵席，店东黄妈妈虽然唔捨得执笠，但就觉得同宝贝仔开档经已圆梦，期望不久将来可以喺区内重新摆档，「继续有又大球好味雪糕食」。

「唔想妈妈辛苦」「最难忘母亲节」

寻日係「Ice Cha Cha」最后一日营业，店东Calvin喺下昼两点开档时，向母亲送上鲜花，感激妈妈多年嚟嘅照顾，仲话「凡事总有希望，最紧要开心。」最后一天只卖10桶雪糕，「唔想最后一日都要妈妈做得咁辛苦！」黄妈妈就话寻日係「最难忘嘅母亲节」。

「五蚊两球」平价雪糕店执笠，唔少街坊当然唔捨得。晏昼两点开舖前，已有过百位顾客排队等候，排队市民络绎不绝，下午三点几就需要截龙。

食一杯雪糕，不少市民排队超过两小时都唔嫌辛苦，仲喺店面贴上留言字句，或送上心意卡，以鼓励Calvin「母子档」。

黄妈妈讲笑指，节庆虽要在工作中度过，但唔嫌辛苦，指今天会同阿仔食饭补数，仲透露已有区内商场接洽，预料不久嘅将来，能再喺区内摆档！