大嘥鬼阿妈收到西兰花

图：仅穿围裙嘅大嘥鬼嘅妈妈，喺母亲节笑得零舍灿烂

母亲节又嚟啦，一打开脸书就见到大家嘅妈妈，认真温馨！就连大嘥鬼嘅妈妈都首次现身添。原来大嘥鬼都送咗母亲节礼物，仲以「儿子生性系列」为题，post咗佢同妈妈嘅合照！

不过，留言就有好多人都话，「大嘥妈」女生男相，似係老窦扮阿妈多啲喎！又有留言话，大嘥鬼阿妈好性感呀，净係着件围裙，认真搞笑。

话说大嘥鬼呢个孝顺仔，今次都认真别出心裁，大家送花畀阿妈，佢就送西兰花，仲话「送上西兰花，讲声爱妈妈」，又提醒各位低头族，「睇埋呢个post，就好放低电话陪妈妈啦！」