何俊贤斥政 棍捣乱天水围墟市

小商户可以喺假日墟市摆档，本应係好事，但一啲声称係「基层」组织嘅团体前来捣乱，就真係令人愤怒啦！寻日，渔农界立法会议员何俊贤召开记者会，话天水围天耀邨前日搞咗个假日墟市，畀一啲农夫、小商户做生意，元朗农墟主席黄元弟话，农民一大早七点割好菜，谂住九点摆档，希望得到大家认同，居民又可以喺上午买得开心。

但黄生又话，点知呢，有一个叫做「撑基层墟市联盟」嘅组织喺中午嚟到拉横额、叫口号，扰攘过程当中，大家互有冲突，最终搞到要由警方处理事件。

何俊贤批评，呢班示威者如果有咩不满，应该用合法途径表达，唔应该为一己政治私利，乱咁向小农户发泄，令小农户数月以来嘅农作物心血一朝丧，兼夹搞到居民扫兴而回。呢班示威者嘅做法，係将民生议题升级至政治事件，为累积自己政治本钱，置农友及小商户嘅生计于不顾。何俊贤认为，是可忍孰不可忍，一定要强烈谴责呢班人嘅恶行。