葛珮帆探访飞行服务队

图：葛珮帆（左二）寻日探访咗飞行服务队，了解佢哋嘅工作情况

近年好多香港人都热爱行山冒险，甚至锺意独自挑战高难度山径，无形中加重飞行服务队工作量，旧年出动次数仲超过1400次。民建联立法会议员葛珮帆（EQ）寻日就访问咗几位现役机师，揭开有型部队神秘面纱。

唔讲唔知，飞行服务队现役机师有42人，包括五位女机师，EQ寻日搵咗其中三人亮相。唔好睇佢哋弱质纤纤，原来个个都受过严格训练。女机师Emily话，入职时要先训练14个月，视乎揸边款机种，再训练八至十年，先可以成为独当一面嘅机长。

现役飞行服务队机师Michael就趁机宣传话，飞行服务队仍然欠缺20几位飞机师，嚟紧会透过选拔请多四至六人，呼吁如果锺意揸飞机，又有心想救人嘅朋友，可以试下。 Michael话，考核虽然好严格，但希望年轻人唔好因为筛选程序而打退堂鼓，因为救人工作真係非常有意义㗎！

唔止EQ，郑晴听完之后都好佩服一班飞机师守护香港嘅精神。