港当港西：张国钧忙到爆　连议办都唔得闲开幕

今日时报网6月10日讯 民建联立法会议员黄定光(象哥)同张国钧(Horace)嘅渔湾议员办事处今日开幕，佢地提到两星期后小西湾都会有另一个佢地嘅办事处开幕。点解两个开幕期咁近呢？Horace同郑晴讲，其实佢旧年年尾已经喺渔湾办事处落咗名，但係由新年开始一直忙到而家先有时间搞开幕呀。

Horace话近来工作真係相当困身，每个星期三、四要开大会，星期五又有内会同财会，到星期六佢都要开完工务小组委员会先赶来开幕，其他唔使开会嘅时间亦有地区工作同好多活动要做主礼嘉宾，所以而家太太带埋两个女去迪士尼玩已经唔再预佢，三人直接自己出发。

出名锺意健身嘅Horace而家一星期只係尽量抽时间做一次gym，加埋每星期四晚同朋友去踢波。佢话好彩成班波友都识咗好耐，都係围内分开A、B队踢，而且大家年纪、体力都差唔多，所以唔会踢得太辛苦，每次踢完大家就各自赶返屋企凑仔凑女。呢啲真正係忙里偷閑呀。