行政长官林郑月娥（Carrie）寻日宣誓就任，成为第一位香港女特首，佢为咗同市民加强联繫沟通，上任首日即开咗Facebook专页同Instagram，第一个「剪綵」post上载咗啲乜？係佢寻日清晨五点半起身，为宣誓「装身」嘅片段，分享佢嘅心情。郑晴发现，Carrie近日频频换新装，单係寻日，由宣誓就职、到送国家主席习近平上机等等，全日起码换咗四个Look。
「林郑月娥 Carrie Lam」Facebook专页、「carrielam.hksar」Instagram帐户开张大吉，首个发帖「晨早五点半约了髮型师，整『妆』待发，迎接更美好的将来～」，兼有hashtag「第五任行政长官」、「宣誓就职」。片段中，Carrie喺髮型屋「Set头」、化妆，大仔林节思陪伴身边，十分孝顺。
开放留言 方便沟通
短片中，Carrie除低眼镜录影，佢话过去六个月，由一月宣布辞职竞选特首后，发生好多事，到寻日宣誓就职嘅重大日子，佢反而觉得较轻鬆。未来五年，佢肩负重要责任，有信心喺大家支持下，同新政府为大家带来更美好将来。Carrie第二个发帖，係宣誓就职誓词。而佢嘅Facebook係开放畀市民留言。
讲返造型，Carrie寻日出席升旗礼时穿着鲜红外套搭彩花旗袍，就职典礼时已换上淡粉色旗袍配白色薄纱外套；视察港珠澳大桥工程时，又再换Look；送习主席上机时，就换上白色西装外套配浅啡花纹旗袍。数数下，唔够八个钟就换咗四个造型。
咪以为Carrie只係衣着讲究，用乜手袋一样好有心思，郑晴收到风，佢寻晚睇庆回归烟花汇演时用嘅红色手袋，係NGO「爱连心」嘅出品，呢个机构专门回收领带，由本地艺术家设计唔同款式手袋，然后训练基层妇女缝纫，基层妇女每做好一个合格产品都会有收入，非常有意义！Carrie带住佢睇烟花，反映出佢记挂基层嘅心。
郑晴
下一篇：：壹传媒「假外判真裁员」激公愤 工会发动抗争