图：热心人见小野猪晕低帮牠淋水降温/网上图片
近排天气热辣辣，西贡有BB野猪都顶唔顺，差啲中暑啊，好彩有暖男经过见到，畀水佢饮，帮佢遮太阳，否则就阴功猪啰！
网上前日出咗文，话当日有人喺西贡发现一只孤零零小野猪，行行下晕咗，疑似中暑，佢即刻畀水BB猪饮，BB猪无耐真係行得返，事后呢名暖男仲继续留低，照顾咗BB猪一阵。
事件喺网上引起热烈讨论，唔少网民大讚呢位暖男有爱心，非常欣赏佢嘅行动。不过，都有网民问，点解唔报警或者call渔护署呢？
呢位暖男寻日回应话，「地球係共同拥有，大家有大家嘅生活，见到佢（BB猪）咁唔舒服，咁咪尽人事帮到就帮，做到可以做嘅嘢，试图救野猪，都尽量唔想影响佢原有生活。」
下一篇：：张建宗：「一地两检」是唯一可行方法