普道文化日 比赛Selfie赢水晶

唏呀唏呀唏！唏呀唏呀唏！突然咁好节拍，都係因为畀啬色园搞嘅普道文化同乐日「共赏跃动的文化──舞狮」感染。

啬色园黄大仙祠寻日首次举行「普道文化同乐日」，特别以舞狮做主题，等善信有机会了解下每个文化背后意义。同乐日由浅入深介绍舞狮历史同特点，包括图文并茂嘅文化展览介绍舞狮起源、仲有「南狮」同「北狮」独特之处。

善信仲可以一尝舞狮跃动之乐趣，参加两场「舞狮体验工作坊」，由专人从旁指导如何舞动狮头，感受跃动文化的魅力，真係想问句「你有free style吗？」同日仲有两场舞狮表演，神态多变嘅舞狮走遍黄大仙祠，为大家送上祝福，非常热闹。

大会仲安排拍照区放置狮头畀善信selfie，如果市民分享照片再加「#普道文化同乐日」，就可以自动参与活动嘅摄影比赛，三位优胜者仲可以获得「黄大仙师圣像水晶摆设」！