徐英伟：数字背后更重要

新任劳工及福利局副局长徐英伟（Caspar）早前会见传媒时，因为唔识答最低工资金额係几多，引起网民热议。正所谓「士别三日，刮目相看。」徐英伟寻日再被传媒问到有无恶补劳福数据时，就无再「虾碌」，唔单止即刻答到最低工资係每小时34.5元，仲讲到几种综援金额添，果然有温书。

Caspar话，各项劳福数字嘅背后、市民面对嘅问题同政府扮演嘅角色更重要，外界唔应该净係睇数字。被问到同劳福局局长罗致光合作成点，Caspar话「非常愉快」，一齐研究紧点样分工；佢又话，劳福局有好多议题要处理，过去几日已同不同部门同事开会，接触咗不同组织以及议员。