《建军大业》换票证火速派晒 望读者体谅

献礼中国人民解放军建军90年嘅电影《建军大业》，现正全城热映。经民联与寰亚电影早前送出100张《建军大业》换票证予《今日时报》读者，本报寻日喺头版公布送戏飞嘅好消息，引发热烈反响。

百票名额一早爆满

《今日时报》行政部嘅同事，寻日朝早七点已返工，佢打开门仲未坐低，总机电话就已经不停咁响。同事一一记低读者姓名、电话，以作派戏飞登记，结果唔够两粒钟，即係九点前，100张戏飞就已经全部派晒啦！有不少读者登记完之后，即刻到我哋报馆攞换票证，心情相当急切。

之后仲有好多热心读者打到我哋总机和热线电话，希望攞飞，但由于派发安排係先到先得，每人限取两张，50个名额一早爆满。郑晴喺度希望攞唔到飞嘅读者能够体谅，因为真係太踊跃啦。

以下有剧透！郑晴喺呢度提下攞到飞去睇《建军大业》嘅读者们，电影中先后两次出现《今日时报》㗎，包括国民党喺「四一二反革命政变」中攻击商务印书馆，以及毛泽东遇上卢德铭时的场景，请大家唔好错过啦！

郑晴