郑泳舜徐英伟食晏倾呢啲……

图：郑泳舜（右）与徐英伟（左）到南山邨落区

深水埗区议员郑泳舜（Vincent）最近非常活跃，不断约官员倾市民所关心嘅问题，继之前陪运房局局长陈帆到九龙城探劏房户、访问教育局局长杨润雄后，寻日喺社交网站上载短片，佢同劳福局副局徐英伟（Caspar）到南山邨食晏，探讨低收入在职家庭津贴计划申请繁複嘅问题。

Vincent话低津计划虽然係好嘢，但唔少街坊反映，申请表好难填，尤其是要僱主每半年加签一次，真係难倒唔少「炒散」嘅朋友，希望政府改善申请程序，检讨申请门槛。Caspar就话，听过好多相关意见，承诺一定会检讨，希望今年底前会有方向。