谭志源梁锦松拍住上

图：梁锦松（中）期望谭志源（右）将公共管理经验带入新风天域

前政制及内地事务局局长谭志源（Raymond）离开服务咗30年嘅特区政府后，加入新风天域集团。新闻稿前日发出，寻日新风天域董事长梁锦松就带埋Raymond、首席执行官吴启楠见记者。

阿松透露，Raymond早前公开表示唔会留任特区政府后，佢已经向对方介绍新风天域业务，七月正式邀请加入协助发展内地教育、医疗业务。

阿松当年担任财政司司长时，Raymond係佢嘅新闻秘书。讲到二人步伐，阿松话，唔会有一个人同另一个人係完全一样，佢期待Raymond为集团带入新思维。Raymond就笑笑口话，当年同梁锦松「合作得好好」，寻找「第二事业」期间，唔少公司招手，佢形容自己「好拣择」，多次沟通后，认同新风天域理念先决定加入。