网民大讚撕「港独」单张内地女生

今日时报网9月6日讯：中文大学日前开学，校园民主墙被贴满宣传「港独」嘅单张。一名内地女学生出于义愤打算移除单张，点知遭到中大学学生会干事会外务副会长朱安妮同内务秘书杜浚铭嘅阻挠。女生用普通话表示，听唔明两人嘅广东话，朱安妮就用英文辩解，结果遭女生用流利英文霸气回应：「如果你讲民主，你可以贴上去，我也可以移除，你说你是代表中大学生，但我也是学生之一，我不同意（港独）这件事！」

朱安妮续以英文回应，只不过就变到口窒窒，讲来讲去都凈係识讲：「这是我们学生会管理的民主墻 」。女生就反击：「谁赋予你权力去做，是学生吗？」朱安妮先话唔係学生授权，而是学校，不过杜浚铭就乱噏係学生授权，两人口径不一。朱安妮之后就改口话係「学生和学校」，睇来学生会对自己嘅职权都搞唔清楚。女生又不满学生会对她进行拍摄，但朱安妮好似听唔明，答非所问，好似录音机咁重複话「你不可以这样做」，当场出丑。而杜浚铭更衰，全程讲咗几个英文单字。

有关片段係网上疯传后，唔少网民都揶揄朱安妮同杜浚铭作为大学生，英文仲係「小学鸡」水平，内地女生「单係英文都赢晒啦。」网友「Tanri Ling」留言称：「内地学生已超越香港学生好多，香港大学生应该好好检讨下！唔好再搞咁多政治啦！」