刘江华提供「黄金屋」撑文化艺术

图：刘江华话欢迎需要呢啲资源嘅朋友领养弃书 今日时报记者张月琪摄

抛弃图书，大家都输！康文署成日畀人话係大嘥鬼抛弃图书，不过民政事务局局长刘江华寻日就话，其实好欢迎需要呢啲资源嘅朋友领养呢啲书！

刘华局长寻日话，自己之前去咗元朗一间社企Cafe参观，间Cafe专门聘请边缘青年，等佢哋发挥潜能。佢话好欢迎年轻人有正向思维，仲会大力鼓励佢哋喺文化同艺术表演方面有交流。

至于点样支持呢？除出钱之外，刘华局长仲愿意提供「黄金屋」添呀！佢话其实康文署辖下图书馆，不时会有啲过时图书，如果有社企等需要资源，随时可以向当局提出，例如如果搞Cafe，可以提供啲教沖咖啡嘅书、搞环保、种植又可以提供类似嘅书籍，希望可以善用资源！