林郑同年轻人礼宾府倾偈

图：林郑好亲民，喺礼宾府招待100多位「后生仔女」，同佢哋倾下偈

特首林郑月娥搬入翻新后嘅礼宾府，首次大型活动就係招待100多位来自十八区青年网络的「后生仔女」，同佢哋倾下偈。林郑月娥寻日在社交网站上载有关活动嘅短片同照片，指当日大家就青年嘅「三业三政」，即学业、事业、置业；议政、论政、参政，畅所欲言，交流气氛热烈。林郑又话，好高兴可以亲自同佢哋分享谂法，期待未来有更多交流机会。

郑晴觉得，今届政府好重视年轻人嘅意见，除咗林郑外，其他司局长之前都有落区与年轻人见面，了解民情，但最重要就是点样将呢啲意见，转化为实实在在嘅帮助年轻人嘅政策。

林郑喺参选政纲中，就提出与青年「同行」，增加佢哋参政、议政以及向上流动嘅机会，下个月嘅施政报告究竟交唔交到功课，係咪能够对现存嘅问题对症下药，相信唔少年轻人都翘首以待。