挂十号波用红笔填Form？

香港今年先后受四个八号或以上颱风吹袭，天文台台长岑智明（圆图）近日喺Facebook发帖回顾上月天气时，上载咗一张相，记录自己喺「天鸽」袭港时，发出2011年上任以来第二个十号波，形容係历史时刻。佢回应网民时仲透露，自己当日连续40个钟无瞓觉！郑晴都想讲句，今个夏天，真係辛苦晒台长。

咪睇小简单嘅一张相，有网民从中解读无限玄机，例如台长宣布悬挂十号风球，并非传说嘅用红笔填form（表格）签字发出，而係喺电脑输入密码，相片内仲泄露咗个密码添！不过智明台长话，密码只用一次，唔使担心，佢仲讲笑话，「（当日）同事準备好（资料）后，我嘅任务就係核对同入密码发出。」下次不如试吓用红笔填form？讲吓笑好喇！领略过十号颱风威力后，大家都吓餐饱喇。