图：刘小丽早前居然话会参与今次九龙西补选，当然被人闹爆
早前六人丧失议员资格，当中四个立法会议席将会喺明年3月11号举行补选，其中九龙西嘅议席补选，就比较多人关注。而家就宣誓案上诉紧嘅刘小丽，早前居然话会参与今次九龙西补选，当然被人闹爆啦！不过，已经终极败诉嘅青年新政游蕙祯就话呢个位係佢嘅，要选都係青政或者相同理念嘅人出选先。
刘小丽寻日接受传媒访问时就「认低威」改口风，话之前讲参加补选，係基于青政无人参与，而家考虑到大局同埋政治伦理，如果青政有人出选，佢就倾向唔出选喎。不过呢，刘小丽补充，青政如果真係派人选，就应该尽快交代，唔好咁暧昧喎！另外呢，民协冯检基、民主党袁海文都有意落场，咁负责协调反对派嘅民主动力就话，反对派而家对青政优先落场未有共识喎！
其实利字当头，反对派几时有过共识啊？港岛和新界东补选，咪一样争崩头、狗咬狗骨。佢哋成日话要修补撕裂，真係要修补嘅恐怕係反对派内部嘅千疮百孔啰！
郑晴
下一篇：：每天工作十七小时 林兆波话老婆「黐线」