张秀贤范国威口是心非

「青年新政」游蕙祯及梁颂恆丧失议员资格后，已经沦为「过气卒仔」，反对派对呢两个人都唔再感兴趣，仲将战场转移至新界东及九龙西嘅出缺议席上。郑晴讲过，学联前常委张秀贤及新民主同盟范国威都有意参与新东补选，两人寻日出席电台节目时更支持反对派内部搞初选，搵个最有力与建制派「一决高下」的人，张秀贤仲话参选后「弃选」方法都要考虑，扬言「最重要是『泛民』保住个位」。

讲到咁晓以大义，但一被问到如「青政」派人出选，会唔会因政治伦理而让位时，两个人狐狸尾巴就即刻现形，张秀贤面有难色咁话要再商讨；范国威更加明言即使「青政」派人，自己都会继续选，话呢个叫以「大局为重」喎。计郑晴话，传统反对派梗係想本土派参加初选啦，到时就可以人多虾人少，名正言顺搵一个「泛民」政党支持嘅人。

不过，呢个如意算盘网民似乎唔多受落，串爆范国威讲一套做一套，话对方当初批评郑家富出选新界东係「鎅票」，而家自己出嚟「鎅」「青政」票就係以大局为重，斥责佢係「新政棍同盟」，质疑佢以议席为重先真。网民仲纷纷讥笑范係「老千」，祝福佢「郑家富在『大局』中等你」。