图：麦美娟提醒大家给妈妈一个拥抱/麦美娟fb图
「无法可修饰的一对手 带出温暖永远在背后～」寻日係母亲节，唔少孝顺仔女一早準备好鲜花同礼物凼阿妈开心，感谢阿妈长期嘅辛劳。各建制派立法会女议员纷纷出动，同市民欢度节日。民建联主席李慧琼（Starry）同一班妈妈喺区内派花，庆祝母亲节，其间见到有唔少爸爸同小朋友，带住妈妈一齐出外饮茶庆祝。Starry就话，佢自己都係做人妈妈，其实妈妈想法好简单，只要子女开心健康，就係最大幸福，唔需要特登搵日大费周章，「日日都係母亲节」咁话。
提大家珍惜相处时光
另外两位民建联妇女代表─立法会议员蒋丽芸（Ann姐）同葛珮帆，当然都有出动派花啦。一向好唱得嘅Ann姐，仲喺Facebook度转载歌曲「世上只有妈妈好」，唔止用行动，仲用声音多谢妈妈。佢话，呢只「世上只有妈妈好」几乎係每年母亲节必听嘅歌，听完片段中嘅小女孩唱歌，就连郑晴都忍唔住眼湿湿，希望Ann姐下年可以亲自唱，为一众辛劳嘅港妈送上祝福啦。
催泪嘅唔止Ann姐，工联会立法会议员麦美娟喺母亲节前夕，亦透露想念妈妈嘅感受。原来，麦美娟妈妈已经离开咗30年，话能够揽着妈妈，亲口讲句「我爱你」係福气。佢又感谢各位伟大妈妈对子女无私的爱护，劝勉各位网友要珍惜同妈妈相处的时光，「平时点忙都好，在这个特别的日子不妨将一些遗忘了的心底话告诉妈妈，给她一个拥抱。」
至于经民联梁美芬亦去咗九龙西三区派花，仲同一位99岁嘅妈妈饮茶。虽然工作好忙碌，不过美芬话，点样都好，晚上都会同妈妈食饭庆祝。
郑晴
下一篇：：19岁女「洗血」变半身中风