家庭议会成立十周年 将会收集家庭快乐合照

今日时报网5月30日讯(记者龚学鸣)「阿女，你肚唔肚饿呀?煮个麵俾你食呀!」唔知点解，阿妈总係好锺意煮个麵俾仔女食。既然父母咁关心自己，就记得好好孝顺佢哋啦!家庭议会、民政事务局，以及香港电台今日就搞咗一个「一家大细我撑你」推广活动，推广跨代共融的观念，并提倡亲友间的互助与支援。

此外，家庭议会原来已经成立咗十周年，除了与香港电台合办各项「家.多一点爱-同心一家亲」嘅活动，议会和民政事务局将于第三季推出「一家心照」活动，收集各个开心家庭快乐聚会嘅照片，并举办网上投票活动。就算有无比赛，大家都可以多啲同家人一齐相聚，影多啲相留念，日后回味都好呀!举办活动嘅目的，都係为咗鼓励家庭成员加强沟通啫。