陪Set头 就职礼撑场/林节思为妈妈骄傲

特首林郑月娥嘅长子林节思（Jeremy），喺妈妈竞选行政长官期间瞓身支持，寻日除咗大清早就陪妈妈Set头装身外，亦有出席庆祝香港回归祖国20周年大会暨香港特别行政区第五届政府就职典礼，为妈妈「撑场」，见证妈妈宣誓就任行政长官嘅光荣时刻。

Jeremy寻日抵达会场，立即被传媒包围访问，佢笑住话自己心情好兴奋，亦为妈妈感到骄傲，「我明白呢份并唔係一份容易嘅工作，我会尽量支持佢，希望佢能够成功团结社会，带领香港再创高峰。」佢深信，妈妈一定会尽力化解香港社会矛盾。

目前喺北京、内地手机公司「小米」任职嘅Jeremy话，支持妈妈嘅方法，就係多啲陪佢，即使自己要到北京工作，以后都会多啲打电话畀妈妈。